અમદાવાદ પોલીસની ગાડીનો હરિયાણામાં મોટો અકસ્માત, 2 કર્મચારીઓના ઘટના સ્થળે મોત, PSI ગંભીર

Ahmedabad Police Accident : હરિયાણામાં અક્સ્માતમાં ગુજરાત પોલીસના બે કર્મચારીઓનાં મોત... 1ની હાલત ગંભીર, હાઇવે પર પાર્ક કરેલા વાહન સાથે ગુજરાત પોલીસનું વાહન અથડાતા અકસ્માત સર્જાયો

Ahmedabad News : અમદાવાદ શહેર પોલીસ માટે દુખદ ઘટના બની છે. અમદાવાદ પોલીસ કર્મચારીઓની ગાડીને હરિયાણામાં મોટો અકસ્માત નડ્યો હતો. જેમાં બે પોલીસ કર્મચારી અને ખાનગી ડ્રાઈવરનું ઘટના સ્થળે મોત નિપજ્યું છે. તો પીએસઆઈ ગંભીર રીતે ઈજાગ્રસ્ત થયા છે. 

પ્રાપ્ત માહિતી અનુસાર, અમદાવાદના રામોલ પોલીસ સ્ટેશનના પીએએસઆઇ અને પોલીસ કર્મચારીઓનો હરિયાણામાં અકસ્માત સર્જાયો હતો. ભારત માલા રોડ પર પોલીસની ગાડીને મોટો અકસ્માત નડ્યો હતો. વડિંગખેડા પેટ્રોલ પંપની નજીક સકતાખેડા ગામ પાસે અકસ્માતની ઘટના બની હતી. જેમા હાઇવે પર ઊભેલા વાહન સાથે ગુજરાત પોલીસની ગાડી અથડાઈ.

કોનું કોનું મોત થયું 

• પોલીસ કોન્સ્ટેબલ મોત 
• હોમગાર્ડ રવિન્દ્ર મોત 
• ખાનગી ડ્રાઇવર કનુભાઈ ભરવાડનું મોત
• પીએસઆઇ જે પી સોલંકી ને ઈજા

જેમાં બે પોલીસ કર્મચારીઓ અને ખાનગી ડ્રાઈવરનાના મોત નિપજ્યા છે. તો પીએસઆઇ સોલકી ગંભીર રીતે ઘાયલ થયા છે.  અમદાવાદ પોલીસની ટીમ પોક્સો કેસની તપાસ માટે પંજાબના લુધિયાણામાં ગયા હતા. પોકસો કેસના પંચનામા માટે રામોલ પોલીસ ઘટનાસ્થળ પર ગઈ હતી. 

ઘટનાની જાણ થતા જ અમદાવાદશહેરના આઈ ડિવિઝન એસીપી કૃણાલ દેસાઈ અક્સ્માત સ્થળ જવા માટે રવાના થયા છે.