એક વર્ષથી વિદેશી ડ્રગ્સ માફીયાઓ સાથે મળીને ચલાવતા હતા આ રેકેટ; ગુજરાત ATSની તપાસમાં મોટો ખુલાસો

ઉદય રંજન/અમદાવાદ: ગુજરાત એટીએસે પ્રતિબંધિત સાયકોટ્રોપીક સબસ્ટન્સ ફેંટાનીલ બનાવવા માટે પ્રિકર્સસનો જથ્થો એર કાર્ગો દ્વારા મેક્સિકો અને ગ્વાટેમાલા દેશોમાં મોકલનાર આરોપીની ધરપકડ કરવામાં આવી છે. છેલ્લા એક વર્ષથી વિદેશી ડ્રગ્સ માફીયાઓ સાથે મળીને આ રેકેટ ચલાવતા હોવાનું સામે આવ્યું છે. 

ગુજરાત એટીએસ એ આરોપી સતીશ સુતરીયા અને યુક્તા કુમારી મોદી સામે ફરિયાદ નોંધીને ધરપકડ કરવામાં આવી છે. એટીએસને વર્ષ 2024 માં બાતમી મળી હતી કે સુરતના એથોસ કેમિકલ પ્રાઇવેટ લિમિટેડ, અગ્રત કેમિકલ્સ અને એસ આર કેમિકલ્સ એન્ડ ફાર્માસ્યુટિકલ્સના ભાગીદાર તેમજ વિદેશી ડ્રગ્સ માફિયાઓ ભેગા મળીને ફેંટાનીલ બનાવવા માટેના પ્રિકર્સસ અન્ય દવાના નામે એર કાર્ગો મફતે વિદેશમાં મોકલી આપતા હતા. તપાસમાં સામે આવ્યું છે કે જે એન્ડ કે ઇનપોટ કંપનીના ત્યાંના કુખ્યાત sinaloa cartel ગેંગ સાથે સંબંધ હોવાનું સામે આવ્યું છે. 

મળતી માહિતી પ્રમાણે 1-Boc-4-piperidone (N-Boc-4-piperidone) અને 4-piperidone મટીરીયલ જેનો ઉપયોગ પ્રતિબંધીત ડ્રગ્સ ફેન્ટાનિલ બનાવવા માટે થાય છે , United Nations | International Narcotics Control Board (INCB) દ્વારા Red List માં મુકવામાં આવેલ તથા ભારત સરકારના Central Bureau of Narcotics (CBN) દ્વારા પણ International Special Surveillance List (ISSL) હેઠળ રેડ લિસ્ટ માં મૂકવા આવેલ છે. તેમ છતાં આરોપીઓ કસ્ટમ અને અન્ય એજન્સીઓને ખોટા દસ્તાવેજમાં બોગસ નામ અને ઇન્વોઇસ થી ભારતમાં ખરીદી કરી બોગસ બિલ બનાવી ખોટા નામ આપી અને વિદેશી sinaloa cartel ગેંગ ને એર કાર્ગો મારફતે મોકલતા હતા. 

આ ઘટના બાદ એક વર્ષ માં અત્યાર સુધી આરોપીઓ એ કેટલો આવો ડ્રગ્સ કેમિકલ નો જથ્થો વિદેશ મોકલી આપ્યા છે અને આર્થિક વ્યવહાર કેટલો થયો છે તેની તપાસ શરૂ કરવા માં ગુજરાત એટીએસ દ્વારા શરૂ કરવા માં આવી છે.