8th Pay Commission: 61% DA, 1.92 ફિટમેન્ટ, બેઝિક પગાર ₹34,560...તો કેટલી થશે નેટ સેલરી? ખાસ જાણો

8th Pay Commission latest news: આઠમાં પગાર પંચ અંગે સૌથી મોટા સમાચાર સામે આવ્યા છે. સૂત્રોનું માનીએ તો સરકારી કર્મચારીઓનો બેઝિક પગાર ₹18,000 થી વધીને સીધો ₹34,560 થઈ શકે છે. જાણો વિગતો....

8th Pay Commission latest news: આઠમાં પગાર પંચની રચના ક્યારે થશે તેની કેન્દ્ર સરકારના કર્મચારીઓ કાગડોળે રાહ જોઈ રહ્યા છે. ટર્મ્સ ઓફ રેફરન્સ ફાઈનલ થશે અને નવી સેલરી માટેનું ફિટમેન્ટ ફેક્ટર પ્રપોઝ કરાશે. આઠમાં પગાર પંચ અંગે ખુબ અટકળો ચાલી રહી છે. જેમ કે ફિટમેન્ટ ફેક્ટર કેટલું હશે? મોંઘવારી ભથ્થાનું શું થશે? બાકી ભથ્થા મળીને પગારમાં કેટલો વધારો થશે અને સૌથી જરૂરી કયું પ્રમોશન અને પે ગ્રેડ લેવલ્સ અંગે કોઈ મોટો નિર્ણય લેવાશે? સૂત્રો પાસેથી મળતી માહિતી મુજબ આ વખતે પગારમાં તો સારો એવો વધારો જોવા મળશે. ફિટમેન્ટ ફેક્ટર ભલે ગમે તેટલું હોય પરંતુ કર્મચારીઓના પગારમાં સારો એવો વધારો જોવા મળી શકે છે. 

કેટલું હશે ફિટમેન્ટ ફેક્ટર?
સૌથી પહેલા ફિટમેન્ટ ફેક્ટરની વાત કરીએ. હાલ જે અટકળો છે કે પછી સતત ચર્ચાઓ થઈ રહી છે. તેમાં 3 ફિટમેન્ટ ફેક્ટરના અંકોનો ઉલ્લેખ કરાયો છે. પહેલો 1.92, બીજો 2.57 (વર્તમાન) અને ત્રીજુ 2.86 રાખવાની ચર્ચાઓ છે. જ્યારે કર્મચારી યુનિયન સાતમાં પગાર પંચની રચના પહેલેથી જ ફિટમેન્ટ ફેક્ટર 3.68 ગણું રાખવાની ડિમાન્ડ કરી રહ્યા છે. જો કે એક્સપર્ટ્સનો મત સ્પષ્ટ છે. ફિટમેન્ટ ફેક્ટર 1.92ની આસપાસ જ હોઈ શકે છે. તો પણ વર્તમાન પગારમાં સારો એવો ઉછાળો જોવા મળશે. જો એક્સપર્ટ્સની વાત સાચી સાબિત થાય તો 18000 રૂપિયાનો વર્તમાન બેઝિક પગારવાળાનો નવો  બેઝિક પગાર 34,560 રૂપિયા હોઈ શકે છે. જો કે આ ફાઈનલ બેઝિક નહીં હોય. તેમાં પણ એક કેચ છે. 

મોંઘવારી ભથ્થું લાવશે બંપર ઉછાળો
કેન્દ્રીય કર્મચારીઓ માટે હાલનું મોંઘવારી ભથ્થું 55 ટકા છે. જે જાન્યુઆરી 2025થી લાગૂ છે. જુલાઈ 2025માં એકવાર ફરીથી તે રિવાઈઝ થશે. હાલનું AICPI ઈન્ડેક્સના ટ્રેન્ડ જોઈએ તો તે 58 ટકા હોઈ શકે છે. એટલે કે 3 ટકાનો વધારો તેમાં જોવા મળી શકે છે. જો આ ટ્રેન્ડ આગામી છ મહિના સુધી પણ ચાલુ રહે તો જાન્યુઆરી 2026થી લાગૂ  થનારું મોંઘવારી ભથ્થું 61 ટકા થઈ જશે. એટલે કે એકવાર ફરીથી 3 ટકાનો વધારો જોવા મળી શકે. પરંતુ સરકારે આઠમાં પગાર પંચની જાહેરાત વખતે કહ્યું હતું કે તે 1 જાન્યુઆરી 2026થી લાગૂ થશે. આવી સ્થિતિમાં મોંઘવારી ભથ્થું 61 ટકા હશે અને નવું પગાર પંચ લાગૂ થશે તો તેને બેઝિક પગારમાં જ મર્જ કરી દેવાય એવું બની શકે. એટલે કે 18,000 રૂપિયાનો બેઝિક પગાર હોય તો રિવાઈઝ્ડ  બેઝિક પગાર 28,980 રૂપિયા થઈ શકે. 

નવી બેઝિક સેલરી કેટલી થાય?
આઠમું પગાર પંચ જ્યારે લાગૂ થશે ત્યારે હાલનો બેઝિક પગાર + મોંઘવારી ભથ્થું+ ફિટમેન્ટ ફેક્ટરને જોડીને નવો બેઝિક પગાર ડિઝાઈન થશે. એટલે કે 18,000+10,980=28,980* ફિટમેન્ટ ફેકટર (1.92). આવી સ્થિતિમાં કર્મચારીઓનો લેવલ-1 ગ્રેડ પે 1800 પર નવો બેઝિક બગાર 55,641 રૂપિયા હોઈ શકે છે. આવું એટલા માટે કારણ કે મોંઘવારી ભથ્થાને નવા પગાર પંચમાં શૂન્ય કરવામાં આવી શકે છે અને વર્તમાન મોંઘવારી ભથ્થું બેઝિક પગારમાં મર્જ કરવામાં આવી શકે છે. ત્યારે ફિટમેન્ટ ફેક્ટર તેના પર લાગૂ થશે. તો તેનાથી કર્મચારીઓના પગારમાં બંપર ઉછાળો આવી શકે છે. જો કે મોંઘવારી ભથ્થાને મર્જ કરવાનો પૂરેપૂરો નિર્ણય પગાર પંચનો રહેશે. જો કે કેબિનેટથી તેને મંજૂરી મળે કે કેમ તેના પર નિર્ભર રહેશે. જો સરકાર તેને મર્જ ન કરીને એક ઝટકે 61 ટકાની ચૂકવણી કર્મચારીઓને કરી દે તો બેઝિક પગાર એ જ રહેશે અને નવો બેઝિક પગાર 34,560 રૂપિયા હશે. 

HRA અને TA નું શું થશે?
નવું પગાર પંચ જ્યારે પણ આવે છે ત્યારે ભથ્થાને પણ રિવાઈઝ કરવામાં આવે છે. જો મોંઘવારી ભથ્થું શૂન્ય કરવામાં આે તો HRA ના દર પણ રિવાઈઝ થશે. ટ્રાવેલ અલાઉન્સ (TA)પણ રિવાઈઝ થઈ શકે છે. પરંતુ આ બધુ પગાર પંચની ભલામણો પર નિર્ભર કરશે. જો  આપણે એ માની લઈએ કે જે કર્મચારીઓ હાલ લેવલ 1 પર છે, પરંતુ તેમનું પોસ્ટિંગ X સિટીમાં છે તો તેમનું HRA વર્તમાન દરથી 27 ટકા (રિવિઝન બાદ અલગ પણ હોઈ શકે) થશે. જ્યારે ટ્રાવેલ અલાઉન્સ Higher TPTA સિટી પ્રમાણે હશે. જો કે જો તેમાં ફેરફાર ન પણ થાય તો કુલ HRA 27%ના હિસાબથી  ₹9,331 હશે અને TA ₹1,350 હશે. 

તો કેટલી બનશે નેટ સેલરી?
આઠમાં પગાર પંચમાં કુલ પગાર એટલે કે નેટ સેલરી કેટલી હશે તેનો અંદાજો તમામ ભથ્થા અને ફિટમેન્ટ ફેક્ટરને જોડીને લગાવી શકાય છે. જો કે હાલ મોંઘવારી ભથ્થું જોડવું યોગ્ય નથી તેના માટે પહેલા પગાર પંચની ભલામણો પર ધ્યાન આપવું પડશે. પરંતુ જો મોંઘવારી ભથ્થું શૂન્ય માની લઈએ અને લેવલ 1ના પે ગ્રેડ 1800 પર ગણતરી  કરીએ તો પગાર કઈક આવો જોવા મળી શકે. 

Salary from January 2026 (per month)

Your Pay Level                                                           1
Basic Pay    18000
Revised Basic Pay ( with fitment factor)               34560
DA ( Dearness Allowance)                                        0
HRA (Hourse Rent Allowance)                               9331
TA (Travelling Allowance)                                       1350
Other Allowances/Incomes (if any)                           0
Add Allowance Remove Allowance

Gross Salary                                                                               45241
NPS Contribution                                                    3456
CGHS Contribution                                                  250
Income Tax (New Regime FY:2025-26)              0(approx)
0 (approx) per annum    
Other Deductions (if any)                                          0
Add Deduction Remove Deduction

Net Salary                                                                                    41535