અમરનાથ યાત્રાળુઓની 4 બસોને શ્રીનગર હાઇવે પર નડ્યો અકસ્માત..30થી વધુ યાત્રાળુઓ ઘાયલ

Ramban incident : ડેપ્યુટી કમિશનર ડીઈઓ રામબને જણાવ્યું હતું કે પહેલગામ કાફલાના છેલ્લા વાહને ચંદ્રકોટ લંગર સ્થળ પર કાબુ ગુમાવ્યો હતો અને ત્યાં પાર્ક કરેલા વાહનો સાથે અથડાયું હતું. આ ટક્કરમાં ચાર વાહનોને નુકસાન થયું હતું.

Amarnath Yatra Accident : શુક્રવારે જમ્મુ-કાશ્મીરના રામબન જિલ્લામાં અમરનાથ યાત્રા દરમિયાન એક અકસ્માત થયો હતો. ડેપ્યુટી કમિશનર ડીઈઓ રામબને જણાવ્યું હતું કે પહેલગામ કાફલાના છેલ્લા વાહને ચંદ્રકોટ લંગર સ્થળ પર કાબુ ગુમાવ્યો હતો અને ત્યાં પાર્ક કરેલા વાહનો સાથે અથડાઈ હતી. આ ટક્કરમાં ચાર વાહનોને નુકસાન થયું હતું અને 30થી વધુ મુસાફરો ઘાયલ થયા હતા. જોકે, બધાને તાત્કાલિક નજીકની હોસ્પિટલમાં લઈ જવામાં આવ્યા હતા.

ઘટનાસ્થળે વહીવટીતંત્ર પહેલેથી જ હાજર 

માહિતી મુજબ, જિલ્લા વહીવટીતંત્ર પહેલાથી જ ઘટનાસ્થળે હાજર હતું અને ઘાયલોને તાત્કાલિક જિલ્લા હોસ્પિટલ રામબન લઈ જવામાં આવ્યા હતા. પ્રાથમિક સારવાર બાદ, તમામ યાત્રાળુઓને અન્ય વાહનોમાં તેમના આગામી સ્ટોપ પર મોકલવામાં આવ્યા હતા. વહીવટીતંત્રે તાત્કાલિક પરિસ્થિતિને કાબુમાં લીધી અને રાહત અને બચાવ કાર્ય ઝડપથી હાથ ધર્યું.

Deputy Commissioner (DEO), Ramban, tweets "The last vehicle of the Pahalgam convoy lost control and hit stranded vehicles at the Chanderkot Langer site, damaging 4 vehicles and causing minor injuries to 36 Yatris. The District Administration, already present at the site,… pic.twitter.com/WiSiA9QdR5

— ANI (@ANI) July 5, 2025

યાત્રાળુઓને સારવાર માટે જિલ્લા હોસ્પિટલ રામબન મોકલવામાં આવ્યા હતા જ્યાં બધાની સારવાર કરવામાં આવી હતી. સદનસીબે, કોઈને પણ ખૂબ ગંભીર ઈજા થઈ નથી. કોઈને રિફર કરવાની જરૂર નહોતી. પોલીસે પણ આ મામલાની તપાસ શરૂ કરી છે અને યાત્રા રૂટ પર સુરક્ષા કડક કરવામાં આવી છે.

જમ્મુ-કાશ્મીર વહીવટીતંત્રે મજબૂત વ્યવસ્થા કરી હતી

જમ્મુ-કાશ્મીર વહીવટીતંત્રે અમરનાથ યાત્રા 2025ની સુરક્ષા માટે મજબૂત વ્યવસ્થા કરી હતી. જમ્મુ-શ્રીનગર રાષ્ટ્રીય ધોરીમાર્ગ પર સંયુક્ત મોક ડ્રીલ કરવામાં આવી હતી. તેમાં આર્મી CRPF, જમ્મુ-કાશ્મીર પોલીસ અને JKSDRFનો સમાવેશ થતો હતો. યાત્રા રૂટ પર લગભગ 581 સેન્ટ્રલ સશસ્ત્ર પોલીસ દળ CAPF કંપનીઓની તૈનાતી, ડ્રોન, CCTV છે. એટલું જ નહીં, RFID કાર્ડ ફરજિયાત બનાવવામાં આવ્યા હતા અને રૂટને નો-ફ્લાય ઝોન જાહેર કરવામાં આવ્યો છે.