'ધરતી સુનહરી, અંબર નીલા...', જે લાલ ચોક પર ગૂંજીતી હતી ગોળીઓ, ત્યાં જશ્નમાં ડૂબ્યા લોકો

76th Republic Day of India: એક સમયે અશાંતિનો સામનો કરનાર કાશ્મીરનો લાલ ચૌર હવે લહેરાતા ત્રિરંગા અને રોશનીથી જગમગી રહ્યો છે. ભારતના 76માં પ્રજાસત્તાક દિવસના અવસર પર એક હૃદયસ્પર્શી વીડિયો વાયરલ થઈ રહ્યો છે.

76th Republic Day of India: ભારત આજે પોતાનો 76મો ગણતંત્ર દિવસ ઉજવી રહ્યું છે. આ અવસર પર દેશભરના રસ્તાઓ અને બજારો સુંદર ત્રિરંગાથી શણગારેલા જોવા મળી રહ્યા છે. આ અવસરે ઈન્ડિયા ગેટ જેવા અનેક ઐતિહાસિક સ્મારકોને પણ તિરંગાની રોશનીથી ઝળહળી ઉઠી રહ્યા છે. તમને જણાવી દઈએ કે, કાશ્મીરના શ્રીનગર સ્થિત લાલ ચોકને પણ ગણતંત્ર દિવસની ઉજવણીમાં ઝળહળતા ત્રિરંગાથી શણગારવામાં આવ્યો છે. હવે આને લગતો એક વીડિયો પણ વાયરલ થઈ રહ્યો છે.

'ધરતી સુનહરી, અંબર નીલા...'
કાશ્મીરના શ્રીનગરમાં આવેલા લાલ ચોકમાં બનેલો ક્લોક ટાવર દેશભરમાં પ્રખ્યાત છે. એક સમયે આતંકવાદીઓ અને ગ્રેનેડના નિશાના પર રહેતો આ વિસ્તાર હવે દરેક રાષ્ટ્રીય દિવસ પર ત્રિરંગાની રોશનીથી ઝગમગી ઉઠે છે. તમને જણાવી દઈએ કે ભારતના 76માં ગણતંત્ર દિવસના અવસર પર લાલ ચોકની સામે કેટલાક યુવાનો દેશભક્તિના ગીતો પર ડાન્સ કરતા જોવા મળે છે.

#WATCH | Jammu and Kashmir: People dance and celebrate at Lal Chowk in Srinagar on the occasion of 76th #RepublicDay🇮🇳 pic.twitter.com/tVppfAhHnd

— ANI (@ANI) January 26, 2025

એક તરફ ઘંટાઘર તિરંગાની રોશનીથી સારોબાર છે, તો બીજી તરફ 4-5 લોકો તેની સામે 'ધરતી સુનહરી, અંબર નીલા...' નામના આ ગીતમાં  ઉજવણી કરતા અને તેની સામે ડાન્સ કરતા જોવા મળે છે.

અશાંતિનો સામનો કરી ચૂક્યો છે લાલ ચોક 
તમને જણાવી દઈએ કે લાલ ચોક શ્રીનગરનું મુખ્ય સામાજિક અને રાજનૈતિક કેન્દ્ર રહ્યું છે. આ સ્થાને પણ ઘણી અશાંતિનો સામનો કરવો પડ્યો છે. આતંકીઓએ આ જગ્યાને નિશાન બનાવી છે. અહીંથી અનેક ગ્રેનેડ ફૂટ્યાના પણ અહેવાલ છે. આતંકના સમયગાળા દરમિયાન આ સ્થળે અનેક બોમ્બ વિસ્ફોટ થયા હતા. વર્ષ 1992માં ભાજપના નેતા મુરલી મનોહર જોશીએ 26 જાન્યુઆરીએ અહીં તિરંગો ફરકાવ્યો હતો. તે દરમિયાન પીએમ મોદી પણ તેમની સાથે અહીં આવ્યા હતા.

આકર્ષણનું કેન્દ્ર બન્યો લાલચોક
કાશ્મીરમાં કલમ 370 હટાવ્યા બાદ શ્રીનગરમાં સ્માર્ટ સિટી યોજના હેઠળ લાલ ચોક પર બનેલા ઘંટાધરને કાયાકલ્પ કરવામાં આવી છે, અહીં નવી ઘડિયાળ લગાવવામાં આવી છે. ઉપરાંત તે કાશ્મીરની મુલાકાત લેતા પ્રવાસીઓ માટે આકર્ષણનું મુખ્ય કેન્દ્ર રહે છે. અહીં બનાવેલ સેલ્ફી પોઈન્ટ ઘણા લોકોને આકર્ષે છે. એટલું જ નહીં ક્લોક ટાવર પર હવે ત્રિરંગો લહેરાતો રહે છે, જે આતંકનો સામનો કર્યા હોવા છતાં હંમેશા ગર્વથી ઉભા રહેવાનો સંદેશ આપે છે.