ગુજરાતના આ જિલ્લા સહિત દેશના 244 જિલ્લામાં થશે મોકડ્રીલ, જાણો શું હોય છે સિવિલ ડિફેન્સ ડિસ્ટ્રિક્ટ

India Pakistan tension: ભારત સરકારે પાકિસ્તાન સાથે વધતા તણાવ વચ્ચે 7 મેએ 244 જિલ્લામાં મોકડ્રીલનું આયોજન કરવાનો આદેશ આપ્યો છે. આ ડ્રીલનો ઉદ્દેશ્ય નાગરિકોને ઈમરજન્સી સ્થિતિનો સામનો કરવા માટે પ્રશિક્ષિત કરવા અને સિલિવ ડિફેન્સની તૈયારીઓનું આકનલ કરવાનો છે. ડ્રીલમાં નાગરિકોને હુમલા દરમિયાન સુરક્ષિત રહેવાની તાલીમ આપવામાં આવશે. 1971 બાદ ભારતમાં પ્રથમ નાગરિક સુરક્ષા મોકડ્રીલ છે.

India Pakistan war like situation:  જમ્મુ અને કાશ્મીરના પહેલગામમાં 26 હિન્દુ પ્રવાસીઓના હત્યાકાંડ બાદ ભારત અને પાકિસ્તાન વચ્ચે યુદ્ધ જેવી સ્થિતિ સર્જાઈ છે. ભારતે આ હુમલાના ગુનેગારો સામે કાર્યવાહી કરવા માટે તેની સેનાને છૂટ આપી છે. દરમિયાન, ભારત સરકારના ગૃહ મંત્રાલયે સરહદી રાજ્યોને યુદ્ધની પરિસ્થિતિઓ માટે મોક ડ્રીલ કરવાનો આદેશ આપ્યો છે. આ આદેશ પછી લોકોમાં એક પ્રકારની શંકા વધી રહી છે કે શું આ વખતે ખરેખર યુદ્ધ થશે. આ મોક ડ્રીલનું આયોજન બુધવાર, 7 મે ના રોજ સાંજે કરવામાં આવશે. આ સમયગાળા દરમિયાન, દેશના કુલ 244 સરહદી જિલ્લાઓમાં હવાઈ હુમલાની ચેતવણીના સાયરન વગાડવામાં આવશે. શહેરોમાં બ્લેકઆઉટ કરવામાં આવશે. સામાન્ય લોકોને કટોકટીની પરિસ્થિતિઓમાં આશ્રય લેવાની તાલીમ આપવામાં આવશે.

આ મોકડ્રીલ શા માટે યોજાઈ રહી છે?
આ મોક ડ્રીલ એવા સમયે થઈ રહી છે જ્યારે ભારત અને પાકિસ્તાન વચ્ચે તણાવ ચરમસીમાએ છે. સરકારે પહેલગામ હુમલા માટે પાકિસ્તાનને જવાબદાર ઠેરવ્યું છે. પાકિસ્તાન સામે અત્યાર સુધીમાં ઘણા કડક પગલાં લેવામાં આવ્યા છે. ભારતે સિંધુ જળ સંધિ સ્થગિત કરી, પાકિસ્તાન સાથેના રાજદ્વારી સંબંધો ઘટાડ્યા, વેપાર અટકાવ્યો અને પાકિસ્તાની વિમાનો માટે ભારતીય હવાઈ ક્ષેત્ર બંધ કરી દીધું. આ ઉપરાંત, અટારી સરહદ પર જમીનની અવરજવર પર પણ પ્રતિબંધ મૂકવામાં આવ્યો હતો. પાકિસ્તાને ભારતના આ પગલાને યુદ્ધનું કૃત્ય ગણાવ્યું છે. આ પછી બંને દેશો વચ્ચે તણાવ વધુ વધી ગયો છે.

આ પણ વાંચોઃ ગુજરાતી પિતા જેનાભાઈ ઠક્કરનો પુત્ર આખરે કેવી રીતે બની ગયો પાકિસ્તાનનો સંસ્થાપક!

ગુજરાતમાં કઈ જગ્યાએ યોજાઈ શકે છે મોકડ્રીલ?
ગૃહમંત્રાલયે દેશના 244 જિલ્લામાં મોકડ્રીલ યોજવાનું પ્લાનિંગ કર્યું છે, સામે આવેલી જાણકારી ગુજરાતમાં પાકિસ્તાનની સરહદે આવેલા કચ્છ જિલ્લામાં મોકડ્રીલ યોજાઈ શકે છે. આ સિવાય વડોદરા, સુરત, અમદાવાદ, તાપી, જામનગર, દ્વારકા, ભરૂચ, મહેસાણા, ગાંધીનગર, ભાવનગર, નર્મદા, નવસારી અને ડાંગ જિલ્લામાં મોકડ્રિક યોજાશે. 

જમ્મુ અને કાશ્મીર: જમ્મુ, શ્રીનગર, અનંતનાગ અને રાજૌરી જેવા જિલ્લાઓ આ કવાયતનો ભાગ બની શકે છે, કારણ કે આ વિસ્તારો પાકિસ્તાનની સીધી સરહદે છે અને તાજેતરના આતંકવાદી હુમલાઓનું કેન્દ્ર રહ્યા છે.

રાજસ્થાન: જેસલમેર, બિકાનેર, શ્રીગંગાનગર અને બાડમેર જેવા સરહદી જિલ્લાઓ પણ આ કવાયતમાં ભાગ લઈ શકે છે.

આ પણ વાંચોઃ 7 મેના રોજ યુદ્ધનું સાયરન વાગે ત્યારે ડરશો નહીં, મોકડ્રીલ સમયે તમારે શું કરવું જોઈએ?

ઉત્તર ભારત: આ કવાયત ઉત્તર પ્રદેશ, હરિયાણા અને હિમાચલ પ્રદેશના કેટલાક અન્ય જિલ્લાઓમાં પણ થઈ શકે છે. કારણ કે આ રાજ્યો વ્યૂહાત્મક રીતે મહત્વપૂર્ણ છે. ઉદાહરણ તરીકે, ઉત્તર પ્રદેશના આગ્રા, મથુરા અને મેરઠ જેવા જિલ્લાઓનો સમાવેશ કરી શકાય છે.

દક્ષિણ અને પૂર્વ ભારત: તમિલનાડુ, કર્ણાટક, આંધ્રપ્રદેશ અને પશ્ચિમ બંગાળ જેવા રાજ્યોના કેટલાક મુખ્ય જિલ્લાઓ પણ આ કવાયતનો ભાગ બનશે. ઉદાહરણ તરીકે, ચેન્નાઈ, બેંગલુરુ, કોલકાતા અને વિશાખાપટ્ટનમ જેવા શહેરોમાં કવાયત થવાની સંભાવના છે.

મધ્ય ભારત: મધ્ય પ્રદેશ, છત્તીસગઢ અને મહારાષ્ટ્રના કેટલાક જિલ્લાઓ જેમ કે ભોપાલ, રાયપુર અને નાગપુર પણ આ યાદીમાં હોઈ શકે છે.

મોકડ્રીલમાં શું થશે?
આ ડ્રીલમાં ઘણા પ્રકારની ગતિવિધિઓ થશે, જેથી સામાન્ય લોકો અને તંત્ર બંનેને ઈમરજન્સી સ્થિતિનો સામનો કરવાની ટ્રેનિંગ મળે. એર રેડ સાયરન- હવાઈ હુમલાની ચેતવણીવાળા સાયરન વગાડવામાં આવશે. આ સાયરન સાંભળી લોકોને સુરક્ષિત જગ્યા પર શેલ્ટર થવું પડશે.

તમારા જિલ્લામાં કવાયત ચાલી રહી છે કે નહીં તે કેવી રીતે જાણી શકાય?
જો તમે જાણવા માંગતા હોવ કે આ કવાયત તમારા જિલ્લામાં થઈ રહી છે કે નહીં, તો તમારા જિલ્લા વહીવટીતંત્રની વેબસાઇટ અથવા સોશિયલ મીડિયા પેજ તપાસો. આ ઉપરાંત, સ્થાનિક સમાચાર ચેનલો અને અખબારોમાં પણ આ વિશે માહિતી આપવામાં આવશે. ગૃહ મંત્રાલયે જિલ્લા અધિકારીઓને લોકોને અગાઉથી જાણ કરવા સૂચના આપી છે જેથી કોઈ ગભરાટ ન રહે.