'ઈમરજન્સી સત્તાઓનો...' પાકિસ્તાન સાથેના યુદ્ધ વચ્ચે ગૃહ મંત્રાલયે અચાનક રાજ્યોને લખ્યા પત્ર, આપ્યો આ આદેશ

India-Pakistan War: ભારત દ્વારા શરૂ કરાયેલા ઓપરેશન સિંદૂરની સફળતા બાદ ગૃહ મંત્રાલયે તમામ રાજ્યો અને કેન્દ્રશાસિત પ્રદેશોને એક મહત્વપૂર્ણ સૂચના આપી છે. ગૃહ મંત્રાલયનો આ આદેશ દુશ્મનના હુમલાઓ અથવા યુદ્ધ જેવી પરિસ્થિતિઓ સહિત રાષ્ટ્રીય સુરક્ષાને ધ્યાનમાં રાખીને આવ્યો છે.

Operation Sindoor: ભારતે ગુરુવારે રાત્રે ડ્રોન અને મિસાઇલોનો ઉપયોગ કરીને જમ્મુ અને પઠાણકોટ સહિત લશ્કરી ઠેકાણાઓ પર હુમલો કરવાના પાકિસ્તાનના પ્રયાસોને નિષ્ફળ બનાવી દીધા હતા. જ્યારે અગાઉ ભારતે પાકિસ્તાન સેનાના આવા જ પ્રયાસને નિષ્ફળ બનાવ્યો હતો અને યોગ્ય જવાબ આપ્યો હતો. ભારત દ્વારા શરૂ કરાયેલા ઓપરેશન સિંદૂરની સફળતા બાદ ગૃહ મંત્રાલયે તમામ રાજ્યો અને કેન્દ્રશાસિત પ્રદેશોને એક મહત્વપૂર્ણ સૂચના આપી છે. 

ગૃહ મંત્રાલયે શુક્રવારે તમામ રાજ્યો અને કેન્દ્રશાસિત પ્રદેશોના મુખ્ય સચિવો અને પ્રશાસકોને પત્ર લખીને જરૂરી સાવચેતીનાં પગલાંના કાર્યક્ષમ અમલીકરણ માટે નાગરિક સુરક્ષા નિયમો હેઠળ ઈમરજન્સીની સત્તાઓનો ઉપયોગ કરવા જણાવ્યું છે.

ગૃહ મંત્રાલય તરફથી આ સૂચના દુશ્મનના હુમલાઓ અથવા યુદ્ધ જેવી પરિસ્થિતિઓ સહિત રાષ્ટ્રીય સુરક્ષાને ધ્યાનમાં રાખીને આવી છે. આ પહેલા રક્ષા મંત્રીએ ત્રણેય સેનાના વડાઓ સાથે મુલાકાત કરી હતી. આ એક રિવ્યુ મિટિંગ કરી હતી. આ બેઠકમાં ગત રાત્રે મિલિટ્રી બેસેસને નિશાન બબનાવવાના પાકિસ્તાનના પ્રયાસોને ભારતીય સેનાએ નિષ્ફળ બનાવ્યા હતા.

આ બેઠકમાં ચીફ ઓફ ડિફેન્સ સ્ટાફ જનરલ અનિલ ચૌહાણ, આર્મી ચીફ જનરલ ઉપેન્દ્ર દ્વિવેદી, એર ચીફ માર્શલ એપી સિંહ અને નેવલ ચીફ એડમિરલ દિનેશ કે ત્રિપાઠી હાજર રહ્યા હતા.

ભારતના હુમલાથી પાકિસ્તાનમાં ડર
પહેલગામ આતંકવાદી હુમલાનો બદલો લેવા માટે ભારતીય સેનાએ પાકિસ્તાન અને પાકિસ્તાન અધિકૃત કાશ્મીરમાં નવ આતંકવાદી ઠેકાણાઓને નેસ્તનાબૂદ કરી નાખ્યા હતા. ભારતના આ એર સ્ટ્રાઈક બાદ પાકિસ્તાન ગભરાઈ ગયું છે. આ જ કારણ છે કે તેના તરફથી હુમલો કરવાના સતત નિષ્ફળ પ્રયાસો થઈ રહ્યા છે. 

જ્યારે ભારતીય સશસ્ત્ર દળો દ્વારા પાકિસ્તાન અને આતંકવાદીઓને જડબાતોડ જવાબ મળી રહ્યો છે. 8 મેની મધ્યરાત્રિએ ભારતીય સેનાએ બાંસામાં ઘૂસણખોરી કરવાનો પ્રયાસ કરી રહેલા 7 આતંકવાદીઓને ઠાર માર્યા. હાલમાં સરહદી વિસ્તારોમાં પહેલા કરતા વધુ તકેદારી વધારવામાં આવી છે.