ભારતે લાહોરમાં તબાહ કરી પાકિસ્તાનની એર ડિફેન્સ સિસ્ટમ, સેનાના ડ્રોન હુમલાએ મચાવી તબાહી

ભારતીય હુમલામાં ઘણા HQ-9 લોન્ચર, રડાર અને નિયંત્રણ કેન્દ્રો સંપૂર્ણપણે નાશ પામ્યા છે. આનાથી પાકિસ્તાનની હવાઈ સંરક્ષણ પ્રણાલીને ઘણું નુકસાન થયું છે.

નવી દિલ્હીઃ પહેલગામ હુમલાનો બદલો લેવા માટે ભારતીય સેનાએ 7 મેની રાત્રે પાકિસ્તાનમાં એર સ્ટ્રાઈક કરી હતી. ભારતે પાકિસ્તાન અને પાક અધીકૃત કાશ્મીરમાં આવેલા આતંકીઓના કેમ્પને નિશાન બનાવ્યા હતા. ત્યારબાદ પાકિસ્તાને પણ 7-8 મેની રાત્રે ડ્રોન અને મિસાઈલનો ઉપયોગ કરી આ ભારતમાં હુમલાનો પ્રયાસ કર્યો હતો.

પાકિસ્તાને કર્યો હુમલાનો પ્રયાસ
પ્રાપ્ત માહિતી અનુસાર 7-8 મે 2025ની રાત્રે પાકિસ્તાને ડ્રોન અને મિસાઇલોનો ઉપયોગ કરી અવંતીપુરા, શ્રીનગર, જમ્મુ, પઠાણકોટ, અમૃતસર, કપૂરથલા, જાલંધર, લુધિયાણા, આદમપુર, ભટિંડા, ચંદીગઢ, નલ, ફલોદી, ઉત્તરલાઈ અને ભુજ સહિત ઉત્તરી અને પશ્ચિમી ભારતના ઘણા સૈન્ય કેમ્પને નિશાન બનાવવાનો પ્રયાસ કર્યો હતો. ભારતની મજબૂત એર ડિફેન્સ સિસ્ટમે પાકિસ્તાનના હુમલાને નિષ્પ્રભાવી કરી દીધો હતો. આ હુમલાનો કાટમાળ ઘણા સ્થળોથી મળી રહ્યો છે, જે પાકિસ્તાની હુમલાને સાબિત કરે છે.

આજે સવારે ભારતીય સેનાએ પાકિસ્તાનમાં ઘણા સ્થાનો પર વાયુ રક્ષા રડાર અને સિસ્ટમને નિશાન બનાવી. ભારતની પ્રતિક્રિયા પાકિસ્તાનની સમાન તીવ્રતા સાથે તે ક્ષેત્રમાં રહી છે. વિશ્વસનીય જાણકારી અનુસાર લાહોરમાં એક એર સિસ્ટમને નિષ્ક્રિય કરી દેવામાં આવી છે.

પાકિસ્તાને જમ્મુ-કાશ્મીરના કુપવાડા, બારામુલ્લા, ઉરી, પૂંછ, મેંઢર અને રાજોરી સેક્ટરોમાં મોર્ટાર અને ભારે કેલિબર આર્ટિલરીનો ઉપયોગ કરતા નિયંત્રણ રેખા પાર પોતાની કારણ વગર ગોળીબારીની તીવ્રતા વધારી દીધી છે.

પાકિસ્તાનની ગોળીબારીને કારણે 13 નિર્દોષ લોકોના મોત થયા છે, જેમાં ત્રણ મહિલાઓ અને પાંચ બાળકો સામેલ છે. અહીં પણ ભારતે પાકિસ્તાન તરફથી મોર્ટાર અને આર્ટિલરીની ગોળીબારી રોકવા માટે જવાબી કાર્યવાહી કરી હતી. 

ભારતીય સશસ્ત્ર દળો બિન-વધતોડ કાર્યવાહી પ્રત્યેની તેમની પ્રતિબદ્ધતાનો પુનરોચ્ચાર કરે છે, જો પાકિસ્તાની સેના તેનું સન્માન કરે.