Parijat Plant: આ દિવસે ઘરમાં વાવો પારિજાતનો છોડ, ફુલની સાથે માતા લક્ષ્મી પણ ઘરમાં પધરામણી કરશે

Parijat Plant: વાસ્તુ શાસ્ત્રની દ્રષ્ટિએ ઘરમાં કેટલાક છોડ વાવવાથી લાભ થાય છે. આ છોડ એવા હોય છે જે પોઝિટિવીટી આકર્ષિત કરે છે જેના કારણે ઘરમાં સુખ, શાંતિ અને સમૃદ્ધિ વધી શકે છે. આવા જ એક છોડ વિશે આજે તમને જણાવીએ જેને ઘરમાં વાવવો અત્યંત શુભ ગણાય છે.

Parijat Plant: પારિજાતનો છોડ ઘણા લોકો ઘરમાં ઉગાડે છે. તેના ફુલ સુંદર અને સુગંધી હોય છે. શાસ્ત્રોમાં પણ આ છોડને શુભ માનવામાં આવ્યો છે. પારિજાતને હરસિંગાર અને રાત રાણી નામથી પણ ઓળખવામાં આવે છે. આ છોડના ફુલની પાંદડી સફેદ રંગની હોય છે અને નીચેનો ભાગ નારંગી રંગનો હોય છે. આ ફુલ સાંજના સમયે ખીલે છે અને આખી રાત તેની સુગંધ વાતાવરણમાં રહે છે. 

આ પણ વાંચો: શિવ પૂજા કર્યા પછી મંદિરમાં 3 તાળી વગાડવી જરૂરી, જાણો 3 તાળીનું મહત્વ અને સાચી રીત

વાસ્તુ શાસ્ત્ર અનુસાર ઘરમાં રાત રાણીનો છોડ વાવવો શુભ છે. તેનાથી ઘરમાં સકારાત્મક ઊર્જાનો સંચાર થાય છે. જો કે આ છોડ રાખવાની યોગ્ય દિશા વિશે જાણવું પણ જરૂરી છે. જો આ છોડ ખોટી દિશામાં રાખવામાં આવે તો તેની ખરાબ અસર પણ થઈ શકે છે. 

કયા દિવસે પારિજાતનો છોડ વાવવો શુભ ?

આ પણ વાંચો:Money: કયા કારણોસર અટકી જાય છે બરકત ? જાણો રુઠેલી લક્ષ્મીને મનાવવાના સરળ ઉપાયો

આમ તો આ છોડ કોઈપણ દિવસે ઘરમાં લગાવી શકાય છે. પરંતુ એવું માનવામાં આવે છે કે શુક્રવાર અને સોમવારે આ છોડ વાવવો અત્યંત શુભ છે. શુક્રવાર માં લક્ષ્મીને સમર્પિત દિવસ છે. આ દિવસ ઘરમાં પારિજાત વાવવાથી ધનનો પ્રવાહ વધે છે. આ સિવાય ગુરુવારે પણ આ છોડ ઘરમાં વાવી શકાય છે. ગુરુવાર ભગવાન વિષ્ણુને સમર્પિત છે. જો તમે આ છોડ વાવવાનું નક્કી કરો તો આ 3 માંથી કોઈ એક દિવસે છોડ વાવવો. 

આ પણ વાંચો: ઓગસ્ટ મહિનામાં સૂર્ય 3 વખત બદલશે ચાલ, 4 રાશિના લોકોનું ભાગ્ય પલટી મારશે

પારિજાતના છોડ માટે યોગ્ય દિશા

વાસ્તુશાસ્ત્ર અનુસાર પારિજાતનો છોડ યોગ્ય દિશામાં રાખવાથી પરિવારના સભ્યો પર સકારાત્મક પ્રભાવ પડે છે. તેથી તેને યોગ્ય દિશામાં જ લગાવવો જોઈએ. માન્યતા છે કે પારિજાતનો છોડ ઘરના ઈશાન ખૂણામાં એટલે કે ઉત્તર-પૂર્વ દિશામાં લગાવવો જોઈએ. આ સિવાય ઉત્તર દિશા પણ શુભ છે. 

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)