પુતિનના હેલિકોપ્ટર પર યુક્રેને કર્યો અચાનક તાબડતોબ ડ્રોન હુમલો, જાણો પછી શું થયું

Attack on Putin: ડેશકિને જણાવ્યું કે, આ વિસ્તારમાં એર ડિફેન્સ યુનિટ્સે એક સાથે વિમાન વિરોધી યુદ્ધ હાથ ધરવાનું હતું અને હવામાં રાષ્ટ્રપતિના હેલિકોપ્ટરની સલામતી સુનિશ્ચિત કરવી પડી હતી. દુશ્મનના ડ્રોન હુમલાને નિષ્ફળ બનાવવામાં આવ્યા, બધા હવાઈ લક્ષ્યોને નિશાન બનાવવામાં આવ્યા.

Russia_Ukraine War: રશિયા અને યુક્રેન વચ્ચે યુદ્ધ બંધ કરવા અંગે ઘણી વાતો અને નિવેદનો ચાલી રહ્યા છે. પરંતુ હજુ સુધી કંઈ નક્કર દેખાતું નથી. પરંતુ આ દરમિયાન એક આશ્ચર્યજનક ઘટના પ્રકાશમાં આવી છે. રશિયાના રાષ્ટ્રપતિ વ્લાદિમીર પુતિનનું હેલિકોપ્ટર આ અઠવાડિયાની શરૂઆતમાં નવા જાહેર કરાયેલા સ્વતંત્ર કુર્સ્ક પ્રદેશની તેમની પ્રથમ મુલાકાત દરમિયાન એક મોટા યુક્રેનિયન ડ્રોન હુમલાનો ભોગ બન્યું હતું, આ ખુલાસો એક રશિયન લશ્કરી કમાન્ડરે કર્યો છે.

એર ડિફેન્સ યુનિટએ એટકાવ્યો હુમલો
જો કે, આ વિસ્તારમાં એર ડિફેન્સ યુનિટ્સે હુમલાને નિષ્ફળ બનાવવામાં સફળતા મેળવી અને રાષ્ટ્રપતિ કંઈ પણ ન થવા દીધું. એર ડિફેન્સ ડિવીઝનના કમાન્ડર યૂરી ડેશકિને રવિવારે ઓન એર એક ઇન્ટરવ્યુમાં ચેનલ રશિયા 1 ને જણાવ્યું હતું. આ સમાચાર આઉટફિટ RT દ્વારા રિપોર્ટ કરવામાં આવ્યો છે.

ડેશકિને કહ્યું કે, પુતિનનું હેલિકોપ્ટર કુર્સ્ક ક્ષેત્રમાં "દુશ્મનના મોટા ડ્રોન હુમલાને રોકવા માટે એક ઓપરેશનના કેન્દ્રમાં" હતું. ક્રેમલિનના જણાવ્યા અનુસાર, એપ્રિલમાં યુક્રેનિયન સૈન્યથી સંપૂર્ણપણે મુક્ત થયા પછી મંગળવારે કુર્સ્ક પ્રદેશની તેમની પ્રથમ મુલાકાતમાં પુતિને ગવર્નર એલેક્ઝન્ડર ખિનશટેન તેમજ સ્થાનિક નગરપાલિકાઓના પ્રમુખો અને સ્વયંસેવકો સાથે મુલાકાત કરી. તેઓ યુક્રેનિયન આક્રમણથી પ્રભાવિત લોકોને મદદ કરી રહ્યા છે.

અચાનક હુમલાઓમાં થયો વધારો
ડેશકિનના મતે તે સમયે યુક્રેને આ વિસ્તાર પર એક "અભૂતપૂર્વ" UAV હુમલો કર્યો હતો, પરંતુ રશિયન એર ડિફેન્સે 46 આવનારા ફિક્સ્ડ-વિંગ UAVsનો નાશ કર્યો હતો. તેમણે કહ્યું કે, "હું એ તથ્ય પર ભાર મૂકવા માંગુ છું કે કુર્સ્ક ક્ષેત્રમાં સુપ્રીમ કમાન્ડર-ઇન-ચીફના વિમાનની ઉડાન દરમિયાન હુમલાઓની તીવ્રતામાં નોંધપાત્ર વધારો થયો હતો." 

ડેશકિને કહ્યું કે, "આ વિસ્તારમાં એર ડિફેન્સ યુનિટ્સે એક સાથે વિમાન વિરોધી યુદ્ધ હાથ ધરવાનું હતું અને હવામાં રાષ્ટ્રપતિના હેલિકોપ્ટરની સલામતી સુનિશ્ચિત કરવી પડી હતી. દુશ્મનના ડ્રોનના હુમલાને નિષ્ફળ બનાવવામાં આવ્યા, બધા હવાઈ લક્ષ્યોને નિશાન બનાવવામાં આવ્યા." 

રશિયાના મતે યુક્રેને છેલ્લા અઠવાડિયામાં દેશની અંદર ડ્રોન હુમલાઓ વધાર્યા છે. મોસ્કોમાં વિદેશ મંત્રાલયે જણાવ્યું હતું કે, મંગળવાર અને શુક્રવાર વચ્ચે રશિયન પ્રદેશ પર 764 ડ્રોન અટકાવવામાં આવ્યા હતા. રક્ષા મંત્રાલયના જણાવ્યા અનુસાર હુમલાઓનું પ્રમાણ ઘટ્યું નથી, શનિવાર અને રવિવારે સેંકડો અને યુએવીનો નાશ કરવામાં આવ્યો છે.