140 கிலோவில் இருந்த நபர்... 60 கிலோவை குறைக்க அவர் செய்தவை என்னென்ன?

Weight Loss Journey: 140 கிலோவில் இருந்த நபர் ஒருவர் சுமார் 60 கிலோவை குறைத்து தற்போது 78 கிலோ வரை உடல் எடை குறைப்பில் ஈடுபட்டார். அவரின் உடல் எடை குறைப்பு பயணத்தை இங்கு காணலாம்.

Weight Loss Journey: உடல் எடை குறைப்பை என்பது ஆரோக்கியமான வாழ்க்கைமுறையை பின்பற்றுவதன் மூலம் பெறுவீர்கள். சரியான உடற்தகுதியுடன், நீங்கள் ஆரோக்கியமான பழக்கவழக்கங்களை தொடர்ச்சியாக கடைப்பிடித்து வந்தால் நிச்சயம் உங்களின் அதீத எடை, தேவையற்ற உடல் கொழுப்புகள் குறையும் எனலாம். 

Weight Loss Journey: உடல் எடை குறைப்பு அனுபவம்

தற்போதெல்லாம் துரித உணவுகள் அதிகமாகிவிட்டது. பலரும் நள்ளிரவை தாண்டி தூங்கச் செல்கின்றனர். அதிக நேரம் திரைகளில் தவம் கிடைக்கின்றனர். இதனால் ஆரோக்கியமான வாழ்க்கைமுறை பெரும் வரம் போல் தெரிகிறது. அப்படியிருக்க, இவை அனைத்திலும் கவனம் செலுத்தாமல் தொடர்ச்சியாக செயல்பட்டு ஒருவர் 60 கிலோவை வரை உடல் எடையை குறைத்து ஆரோக்கியமான வாழ்க்கைமுறையை சாத்தியப்படுத்தி உள்ளார். 

இன்ஸ்டாகிராமில் புவி  (@transformwithpuvi) என்ற பயனர் அவரது உடல் எடை குறைப்பு பயணம் குறித்தும், ஆரோக்கியமான வாழ்க்கைமுறை குறித்தும் தொடர்ச்சியாக பதிவிட்டு வருகிறார். இவர் உடல் எடை குறைப்பு நிபுணர் இல்லை என்பதை வாசகர்கள் மனதில் கொள்ள வேண்டும். அதே நேரத்தில் இவரின் உடல் எடை குறைப்பு பயணத்தையும், அவரின் டிப்ஸ்களை தெரிந்துகொள்வது உங்களின் பயணித்தில் ஊக்கமளிக்கும் விதமாகவும், நம்பிக்கை அளிப்பதாகவும் இருக்கலாம். எனவே அவரது உடல் எடை குறைப்பு பயணம் குறித்து இங்கு காணலாம்.

View this post on Instagram

A post shared byuvi (npuvi96) (@transformwithpuvi)

Weight Loss Journey: 60 கிலோவை குறைத்த நபர்

ஒருகட்டத்தில் புவி 140 கிலோவில் இருந்துள்ளார். அதில் இருந்து 78 கிலோவுக்கு உடல் எடையை குறைத்துள்ளார். அதாவது தான் 60 கிலோ அளவிற்கு உடல் எடையை குறைத்திருப்பதாக கடந்த 2024ஆம் ஆண்டு மே மாதம் இன்ஸ்டாகிராம் பதிவு மூலம் தெரிவித்தார். பலரும் இந்தளவிற்கு உடல் எடையை குறைத்ததற்கு காரணம் என்ன என கேட்டதற்கு, அவர் பதப்படுத்தப்பட்ட கார்போஹைரேட் கொண்ட உணவுகளை சாப்பிடுவதில்லை என்றும் இனிப்பான சோடாக்கள் குடிப்பதில்லை என்றும் டிரேட்மில்லில் ஓடுவதில்லை என்றும் கூறுகிறார். இவர் உணவுகளை அதிக ஆய்வு செய்து தேர்வு செய்து உண்கிறார், அது சுவையானதாகவும் இருக்கும் வகையில் பார்த்துக்கொள்கிறாராம். மேலும் அவர் உடற்பயிற்சியை ஒரு கொண்டாட்டமாகவும் பார்க்கிறார். 

Weight Loss Journey: உணவுமுறை மாற்றம்

புவி முதலில் அவரது உணவுப் பழக்கத்தில் இருந்து பதப்படுத்தப்பட்ட கார்போஹைரேட் கொண்ட உணவுகளையும், இனிப்பையும் முற்றிலும் தவிர்த்துள்ளார். அதாவது பிரெட், பிஸ்கட்கள், பாக்கெட்டில் அடைக்கப்பட்ட நொறுக்குத் தீனிகள் உள்ளிட்டவற்றை தொடவே இல்லையாம். அதற்கு பதில் அவர் வீட்டில் சமைத்த சிக்கன் கறி, சாதத்துடன் கூறிய காய்கறிகளை எடுத்துக்கொண்டுள்ளார். 

அவருக்கு இப்போது இஷ்டமான உணவே இந்திய மசாலாக்களுடனான வேகவைக்கப்பட்ட சிக்கன் தானாம். அதில் கலோரிகளும் குறைவு, அதே நேரத்தில் சுவையும் ஜாஸ்தி ஆகும். இது அவருக்கு உணவை ருசித்து சாப்பிட உதவியிருக்கிறது, அதே நேரத்தில் வயிறும் நிறைந்திருக்கிறது, உடல் எடை குறைப்பு பயணத்திலும் உதவியிருக்கிறது. 

Weight Loss Journey: தண்ணீர் குடிப்பது 

புவி சோடாக்கள், இனிப்பான ஜூஸ்கள், விலை உயர்ந்த காபி போன்றவற்றை தவிர்த்திருக்கிறார். தாகத்திற்கு தண்ணீர் மற்றும் தேநீரை மட்டுமே அவர் உட்கொண்டுள்ளார். அவ்வப்போது இனிப்பில்லாத பானங்களை அருந்துவாராம். எப்போதும் நீரேற்றமாக இருப்பது அவருக்கு செரிமானத்தில் பெரிதும் உதவியிருக்கிறது. மேலும், தேவையற்ற பசியையும் தணித்திருக்கிறது. 

Weight Loss Journey: உடற்பயிற்சி கஷ்டமாக இல்லை

புவி அவரது உடற்பயிற்சியை மிகவும் கடினமானதாக வைத்துக்கொள்ளாமல் அதை ரசித்து கொண்டாடும் வகையில் வைத்துக்கொள்வாராம். உடல் கொழுப்பை குறைக்க அவர் டிரட்மில்லில் ஓடவே மாட்டாராம். அதற்கு பதில் ஸ்கிப்பிங், HIIT போன்ற பயிற்சிகளை மேற்கொள்வாராம். வாரத்திற்கு 4 நாள்களுக்கு மட்டும் அவரது தீவிர உடற்பயிற்சிகளை வைத்துக்கொள்வாராம். தினமும் கலோரி பற்றாக்குறையை பராமரிப்பது மட்டுமின்றி உடலுக்கு தேவைப்படும் புரதச்சத்தையும் எடுத்துக்கொள்வாராம். இது அவரது கொழுப்பை கரைப்பதற்கு உதவியாக இருந்துள்ளது. இதுவே அவர் உடல் கட்டுக்கோப்பாக இருப்பதற்கு காரணம் என்கிறார்.

Weight Loss Journey: கொண்டாட்டமாக செய்யுங்கள் 

மேலும், சிலர் உடல் எடை குறைப்புக்காக அதிதீவிரமாக உணவுமுறை கட்டுப்பாட்டில் இருப்பார்கள். ஆனால் பலன் கொடுக்கும் வேகத்தில் மீண்டும் பிரச்னைக்கு வந்துவிடும். எதையும் கடினமாக வைத்துக்கொள்ளாமல் எளிமையான பயிற்சிகளை தொடர்ச்சியாக பின்பற்றினாலேயே பெரியளவில் பலன் கிடைக்கும். நல்ல உணவுகளை தேர்வு செய்து சாப்பிட்டு, நீரேற்றமாக உடல் வைத்துக்கொண்டு, உடல் இயக்கத்துடன் இருந்துக்கொண்டு, இவை அனைத்தையும் தொடர்ச்சியாக செய்தாலே போதுமானது என்கிறார். மேலும் உடல் எடை குறைப்பு பயணத்தை கொண்டாட்டமாக செய்யுங்கள் என்றும் அறிவுறுத்துகிறார். 

(பொறுப்பு துறப்பு: இவை அனைத்தும் புவி என்பவரின் உடல் எடை குறைப்பு பயணம் தொடர்பான அனுபவங்கள் ஆகும். இவர் தகுந்த நிபுணர் இல்லை என்பதால் இவரின் அறிவுரைகள் நேரடியாக பின்பற்ற வேண்டாம். பின்பற்றும் முன்னர் மருத்துவ நிபுணர்களிடம் உரிய ஆலோசனை மேற்கொள்ள வேண்டும். இதனை ஜீ நியூஸ் (Zee Tamil News) உறுதிப்படுத்தவில்லை)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!